Сүхбаатар аймгийн ГХБХБГазар нь сумдаас тухайн жилийн газар зохион байгуулалтын төлөвлөгөөний саналыг хүлээн авч нэгтгэн 2011 оны 12 дугаар сарын 26-ны өдөр ИТХ-ын 5 дахь удаагийн ээлжит 11 дүгээр хуралдаанаар хэлэлцүүлэн 6 тоот тогтоолоор Сүхбаатар аймгийн 2012 оны тухайн жилийн газар зохион байгуулалтын төлөвлөгөөг  батлууллаа.

      Энэ удаагийн төлөвлөгөөнд 1080 иргэнд шинэ суурьшлын бүс үүсэн өмчлүүлэхээр 107.97 га газар, эзэмшиж буй хашааны газрыг нь өмчлүүлэхээр 19.67 га газрыг төлөвлөн оруулаад байна. Баруун-Урт сумын хувьд 236 иргэнд 16,5 га газарт шинэ суурьшлын бүс үүсгэн өмчлүүлэхээр, инженерийн шугам сүлжээнд холбогдох боломжтой 2 дугаар багийн нутаг товчооны гэр хороолол орчимд 8 га, 7 дугаар багийн нутаг 1 дүгээр 10 жилийн сургуулийн зүүн талын гэр хороолол орчимд 4 га талбай бүхий газруудыг Засгийн газраас хэрэгжүүлж буй “100.0 мянган айлын орон сууц” хөтөлбөрийн хүрээнд нийтийн орон сууцны хороолол байгуулах зорилгоор газарт оруулахаар төлөвлөж оруулснаас гадна сумдад суурьшлын бүс үүсгэхээр төлөвлөн оруулсанаараа онцлогтой боллоо.

Огноо: 2012-01-05 |  Салбар: Газрын харилцаа |  Үзсэн тоо: 233