ГХБГЗЗГ-ын дарга Ц.Ганхүү тэргүүтэй төлөөлөгчид Евронорм стандартын чиглэлээр туршлага судлахаар ХБНГУ, БНПУ, Литва улсад айлчилж байна. Айлчлалын бүрэлдэхүүнд ЗТБХБЯ-ны Барилга орон сууц нийтийн аж ахуйн бодлогын газрын мэргэжилтэн Ү.Бадамсүрэн, ГХБГЗЗГ-ын Барилга, нийтийн аж ахуйн албаны даргаД.Гантулга, Техникийн бодлого, норм нормативын хэлтсийн дарга Б.Оюун,тус хэлтсийн мэргэжилтэнС.Ариунжаргал,Барилгын чанар аюулгүй байдлын хэлтсийн мэргэжилтэн Ч.Наранцэцэг, Ч.Цэцэг болон Барилгын инженерүүдийн холбоо”, “Барилгын зураг төсөл зохиогчдын холбоо”-ны төлөөлөл багтжээ.
Тус айлчлал 2011 оны 01 дүгээр сарын 15-29-ний өдрүүдэд үргэлжлэх бөгөөд энэ хугацаанд Европын холбооны улсуудад барилгын норм, стандартыг боловсруулж байгаа ажилтай танилцах, туршлага судлах, цаашид хамтран ажиллах чиглэлээр тодорхой ажлуудыг хийж гүйцэтгэх юм. Тухайлбал, Европын холбооны орчинд Евронорм барилгын стандартыг боловсруулахад төр захиргааны байгууллага болон хувийн хэвшлийн оролцоо, тэдгээрийн зөвшилцөл, Германы нормчлолын институт, Тээвэр, орон сууц, хот байгуулалтын яамны гүйцэтгэх үүрэг, Германы VOB буюу “Барилгын салбарын гэрээний журам”-ыг хэрэглэх хүрээ зэрэгтэй танилцан евронорм стандартыг нэвтрүүлэхэд хуримтлуулсан Польш, Литва улсын туршлага, сорилт, үр нөлөө, тулгарсан саад бэрхшээл, урамшуулал болон торгуулийн механизмийн тогтолцоог судлах юм байна. Мөн цаашид хамтран ажиллах талаар санал солилцож санамж бичигт гарын үсэг зурахаар төлөвлөжээ.
Түүнчилэн Монголын барилгын салбарт Европын норм, стандартыг нэвтрүүлэхэд шаардлагатай баримт бичиг, тооцооллын програмыг худалдан авахаар урьдчилан тохирох, боломжтой хэсгийг худалдан авах зорилготойгоор айлчлалын бүрэлдэхүүн ажиллаж байна.
